Lucasian Professorship. Deed of Foundation and Grant of King Charles II.

Omnibus Christi Fidelibus, ad quos hoc praesens scriptum pervenerit, Robertus Raworth de Grayes Innin Comitatu Middlesex Armiger, et Thomas Buck de Cantabrigia in Comitatu Cantabrigiae Armiger, Executores ultimi Testamenti dignissimi viri Henrici Lucas de London Armigeri, nuper defuncti; salutem in Domino sempiternam.

Sciatis, quod cum praedictus venerabilis et consultus vir Henricus Lucas Armiger, ex propenso suo in Academiam Cantbrigiensem, et in rem literariam affectu a praefatis Roberto Raworth, & Thoma Buck Executoribus suis terras compari ad valorem centum libarum annuatim supremo testamento mandaverit, in annum Porfessoris, seu Lectoris Mathematicarum scientiarum in dicta Academia stipendum, vel salarium perpetuo cessuras, sub ejusmodi constitutionibus et regulis, quas Executores sui, adhibito Procandellarij, et Praefectorum collegijs dictae Academiae consilio, tam honori magni istius corporis, quam hujusce literaturae, omni hactenus praemio destitutae, incremento et promotioni judicaverint sumopere accomadatus; Nos praedicti Executores, pro ratione fidei nobis comissae de exaquenda praeclari Benefactoris voluntate soliciti, rogato prius et impetrato dictorum Procancellarij, et Praefectorum consilio, habitoque ad id consilium praecipuo respectu, ordinationes infra-scriptas promovendis istis studijs Mathematicis, uti arbitramur, apprime conducentes approbamus, omnique per dictum Henri Lucas testamentum nobis concessa authoritate ratas volumus, et declaramus.

Itaque statuimus imprimis et ordinamus, quod perpettuis futuris temporibus, quicquid annui reditus (deductis necassarijs expensis) ex praenotatis terris, ad usum praedictum acquisitis vel acquirendis, quacunque justa ratione accreverit,id integre cedet in subsidium et praemium Mathematici Professoris modo infradicendo, et sub conditionibus mox experimendis electi & constituti.

Quod officium attinet dicti Professoris Mathematici, ut horum studiorum qua publice, qua privatum excolendurum ratio habeatur, volumus et statuimus, ut dictus Professor teneatur singulis intra uniuscujusque termini Academici spatium septimanus semel ad minus aliquam Geometriae, Astronomiae, Geographiae, Opticae, Staticae, aut alterius alicujus Mathematicae disciplinae partem (pro suo aritratu, nisi aliter expedire Procancellario visum fuerit) per unius circiter horae spatium legere atque exponere, loco et tempore a Procancellario assignandis; sub paena quadraginta solidorum pro singual lectione omissa ex stipendio ipsi debito per Procancellarium subtrahendorum, et Bibliothecae Academicae pro coemendis libris vel instrumentis Mathematicis applicandorum; nisi ex gravi corporis infirmitate officio suo satisfacere non poterit; quam tamen excusationem nolumus ultra tres septimanas valere, ut nisi elapsis tribus septimanis alium substituat idoneum Lectorum, Procancellarij judicio approbandum, sciat sibi pro qualibet lectione praetermissa viginti solidos de stipendio suo per Procancellarium subtrahendos, et usui praedicto applicandos. Quo autem dictus Professor ad munus hoc legendi non perfunctorie praestandum effacius astringatur, praestiti fideliter ab ipso officij certius extet indicium, et studiorum praesentium fructus quadantenus etiam ad posteros derivetur, statuimus ut dictus Professor semel quotannis, proxime ante festum sancti Michaelis, non pauciorum quam decem ex illis, quas praecedente anno publice habuerit, lectionum exemplaria nitide descripta Procancellario exhibeat, in publicis Academiae archivis asservanda; quod si ante tempus praescriptum facere neglexerit, eousque careat stipendio suo, donec effectum det; et quanta fuerit rata portio temporis postea elapsi, usquedum id perfecerit, tantam reditus sui, vel salarij annui partem Procancellorio teneatur evolvere, Bibliothecae Academicae ad usus praedictos applicandum. Quinetiam decernimus, ut dictus Professor teneatur duobus per singulas cujusque termnini hebdomadas a Procancellario praestituendis diebus (unoque extra termini die, quandocunque dictus Professor in Academia praesens fuerit) per duas horas itidem praefigendas omni illum consulturis vacare, liberum adeuntibus aperto cubiculo accessum praebere, circa propositas ipsi quaestiones et difficultates haud gravate responere, in eum finem globos, et alia idonea instrumenta Mathematica penes se in promptu habere, inque omnibus as illud propositum spectantibus studiosorum pro sua vurili conatus adjuvare; quorum aliquod si ultro neglexerit, corripiatur a Procancellario; et si de neglecto officio saepius admonitus neutiquam se emedaverit, paenam incurrat intolerabili negligentiae inferius dectretam.

Porro ut horum observatio fortius muniatur, et ne quis ex dicti Professoris absentia aboriatur neglectus, statuimus ne Professor intra praefinita terminorum intervalla Academia excedat, aut alibi extra Academiam per sex dies continuos moretur, nisi gravissima de causa per Procancellariu approbanda, idque petita prius et impetrata a Procancellario venia; sin fecerit secus, quanta fuerit rata portio temporis ab egressu suo praeter lapsi, tanta salarij sui parte penitus excidat. Quod si forte diutioris ab Academia absentiae (quae dimidij termini spatium excedat) causa acciderit necessaria, Procancellarij, et duorum, qui collegiorum Praefecti fuerint, seniorum Doctorum judicio approbata, aliquem interea idoneum substituat, qui suo loco legat. et reliquis munijs fungatur, modo supradicto et sub paena consimili. Quinimo pari causa, ne dictus prohibemus, ut is ulla quavis Ecclesiastica promotione gaudeat, quae animarum sibi curam adnexam habeat, aut residentiam exigat hisce statutis adversantem; subpaena ammisssionis ipso facto omnis juris, quod in hac sua professione praetendere valeat.

Quoad personam vero et qualitatem Mathematici Professoris, volumus et injungimus, ut qui huic provinciae admovetur, sit vir bonae famae, et conversationis honestae, ad Magister Artium, probe eruditus, et Mathematicarum praesertim scientiarum peritia instructus. Ejus autem nominandi et eligendi jus et potestas esto penes nos praedictos Executores venerabilis viri Henri Luca, durante nostra utriusque vita, aut uno supremum diem obeunte, penes alterum e nobis, qui in vita superstes permanserit. Postea vero perpetuis futuris temporibus ejus eligendi plena potestas sit penes Precancellorium, et Praefectos omnium collegioru dictae Academia, vel illam partme Praefectorum qui electioni interfuerint; et peragatur tunc electio in hunc modum. Postquam Mathematici Professoris locum quacunque ex causa vacare contigerit, Proccancellorio incumbet, quam cito fieri poterit, schedula scholurum publicarum ostio per octo dies continuos affixa cum de dicta vacatione, tum de tempore ad futuram electionem destinato significare (tempus autem electionis ultra trigesium a prima significatione diem extrahi nolumus) quo tempore dicti Electores publicis in scholis in unum congregati juramento semetipsos obstringant, seposito omni privato respectu, affectuque sinistro se nominaturos, et suo comprobaturos suffragio quem conscientia teste ex petitoribus (vel ex ijs, qui ab Electorum quolibet nominatantur) maxime secundum praenotatas qualitates idoneum censuerint ad id munus obeundum; is vero, in quem plura suffrigia conspiraverint, pro Electo habeatur: Quod si duobus forte vel pluribus paria obvenerint suffrigia, Procancellorio jus erit unum ex illis, qui alijs (si quando id contigerit) plura, et inter se paria suffrigia obtinuerint, pro suo arbitrio eligendi. Electus autem proximo oppurtuno tempore admittatur a Procancellorio ; praestito ante admissionem juramento se munus Professoris Mathematici a dignissimo viro Henrico Lucas in hac Academia institutum, juxta ordinationes et statuta officium suum concernentia pro suo posse fideliter executurum.

Denique quo praedictus Professor intra debitos honestatis atque modestiae limites contineatur, neque de ulla criminum ultro admissorum impunitate praesumat, statuimus et decernimus, ut si dictus Professor convictus fuerit vel propria confessione, vel per testes idoneos, vel per evidentiam facti de crimine aliquo graviore (puta de laesa Majestate, haeresi, schismatem, homicidio voluntario, furto notabili, adulterio, fornicatione, perjurio) vel si intolerabiliter negligens fuerit, neque paenis superius expressis poterit emendari, per Procancellorium et collegiorum Praefectos (vel majorem eoru partem) a sua amoveatur professione, sine spe regrediendi, aut comodum aliquod ulterius percipiendi. Quod si senio, morbo diuturno, aut incurabili impotentia seu debilitate corporis vel animi fractus suae professioni (modo et forma praedictis) perficiendae non suffecerit, abrogetur ei professio per Procancellorium et dictos Praefectos (vel majorem eorum partem), hoc tantum adhibito moderamine, ut illi (sic a Professiones munere non sua culpa dimisso) si tempore professionis suae laudabiliter se gesserit, neque alias ipsi de propri ad valorem centum librarum annuatim provisum fuerit, tertia pars stipendij remaneat usque ad mortem suam, reliquis partibus successor sit tantisper contentus integrum post ejus mortem percepturus.

In cujus rei testimoniu nos praefati Robertus Raworth et Thomas Buck sigilla nostra praesentibus apposuimus. Dat. 91 die Decembris Anno Regni Domini nostri Caroli Secundi Dei gratia Angliae, Scotiae, Franciae, et Hiberniae, Regis, Fidei Defensoris &c. decimo quinto, Annoque Domini 1663.

Sigillat. et deliberat. in presentia

Ja: Windet M.D.
Isaac Barrow
Rich. Spoure
Michael Glyd
Gulielmi Player


GRANT OF KING CHARLES II

Carolus Secundus Dei gratia Angliae, Scotiae, Franciae, et Hiberniae Rex, Regis, Fidei Defensor &c. Omnibus et singulis has visuris-salutem. Cum per dilectos nostros ROBERTUM RAWORTH, et THOMAS BUCK Amigeros Executores ultimae voluntatis consulti viri HENRIC LUCAS Amigeri nuper defincti innotuerit nobis dictum HENRICUM LUCAS in rei literariae benficium Professoris Mathematici munus in Academia nostra Cantabrigiensi instituisse; nec non dictis iisdem Executoribus suis, adhibito Procancellarii et Praefectorum Collegiis dictae Academiae consilio quae ad dicti muneris commodam constitutionem ac executinem debitam sibi ex usu viderentur ordinandi curam commendasse; et cum dicti Executores pro ratione fidei sibi commissae, rogato prius et impetrato praedictorum Procancellarii et Praefectorum consilio, ordinationes quasdam fecerint eo conducentes, quas a nobis suppliciter oraverint authoritate nostra Regia stabilitas iri et ratificatas:

Item, cum dicti Executores de praedicto munere ulterius bene mereri studentes, juxtra consilium praedictorum Procancellarii et Praefectorum, per sanctionem quoque nostram Regiam dicti Professoris Lectionibus publice hebendis, certos ex Academia auditores assignari; ab Electoribus dicti Professoris et ab electo Professore juramentum exigendi potestatem fieri; dicto Professori si Collegii cujusvis socius fuerit, sodalitii sua una cum dicto Professori loco retinendi privilegium indulgeri; et si ante susceptum hoc munus socius non fuerit, ut postea in socium eligi possit, facultatem concedi; eundem demum Professorem a muneribus quibusdam publicus obeundis exim ac prohiberi, a nobis itidem supplices efflagitaverint:

Nos dictae Academia commoda juxta ac studiorum profectui consultum cupientes, dictorumque votis Executorum benigne annuentes, imprimis ordinationes istas a praedictus Executoribus confectas regia nostra potestate sancimus et confirmamus, iisque omnibus et singulis plenum obsequium deberi atque praestari volumus et mandamus.

Item Lectionum quas secundum ordinationes praedictas Professor Mathematicus habere tenetur, auditores esse volumus non-graduatos omnes post annum secundum, et Atrium Baccalaureos omnes usque ad annum tertium sub eadem paena cui per statuta Academica obnoxii sunt a reliquis publicis Lectionbus absentes.

Quinetiam Procancellario potestatem impertimimus juramentum exigendi et administrandi, tam illis qui per dictas ordinationes eligendi jus obtinent, quam Professori electo et mox admittendo, juxta sensus in dictis ordinationibus expressos atque praescriptos.

Porro volumus et statuimus ut dictus Professor eligi possit in socium cujusvis Collegii, non vetante Professione sua, et ne is sodalitio suo, siquod ante susceptum hoc munus obtinuit, aut postea obtinebit, vel ullis sodalitii sui emolumentis aut privilegiis eo tantum nomine seu causa privetur, quovis cujuscunque Collegii statuto non obstante.

Nolumus denique et prohibemus, ut dictus Professor Decani, Thesaurii, Senschalli, aut Lectoris cujusvis in suo Collegio munus capessat, aut inhibi Tutorem se great, (nisi forte noblium vel generosorum sociis commensalium,) vel ut Procuratoris, Taxatoris, aut alterius cujuslibet Lectoris publicum in Academia officium sustineat, sub paena amissionis ipso facto omnis juris quod in hac sua professione praecedere valeat. Quapropter et dictum Professorem ab omnibus et singulis muneribus istis praedictis liberatum volumus et exemptum. In cujus rei testimonium has literas nostras fieri fecimus patentes. Teste meipso apud Westmonasterium decimo octavo die Januarii Anno regni nostri decimo quinto.

Per breve de privato sigillo.

HASTINGS.